கால்களில் ஏற்படும் சியாட்டிக்கா பிரச்சனை மற்றும் அதற்கானத் தீர்வுகள்

இன்றைய சூழலில் பலருக்கும் கால்களில் ஏற்படும் பிரச்சனைகளில் ஒன்று தான் இந்த சியாட்டிக்கா (SCIATICA).  சிறிது தூரம் நடந்தாலே கால்களில் ஏற்படும் அதிக வலி, பின்னங்காலில் நரம்புகள் சுண்டி இழுக்கும் வலி, கால்கள் மரத்து போவது போன்ற பிரச்சனைகளை மருத்துவர்கள் சியாட்டிக்கா என்று அழைக்கின்றனர்.


இத்தகைய வலியால் பெரிதும் பாதிக்கப்படுபவர்கள் பெண்களே. இதுபோன்ற வலிகள் பெரும்பாலும் இரவு நேரங்களில் ஏற்படும். தூங்கிய பிறகு கால்களின் நரம்பு சுண்டி இழுத்து கால்களை அசைக்க முடியாத அளவிற்கு கடுமையான வலியை ஏற்படுத்தும்.


 


சியாட்டிக்கா (SCIATICA) என்றால் என்ன


உடலின் பின் பகுதியில் இருந்து கணுக்கால் வரைக்கும் தொடை, கால் நடுப்பகுதியில் அமைந்திருக்கக் கூடிய ஒரு முக்கியமான நரம்புதான் இந்த சியாட்டிக்கா நரம்பு. நம் உடலில் இருக்கக்கூடிய ஒரு மிகப்பெரிய நரம்பும் இதுதான். மூளையில்  இருந்து கால்களுக்கு செல்லக்கூடிய தகவல்களை கொண்டு செல்லும் ஒரு முக்கிய பணியை இந்த சியாட்டிக்கா நரம்பு செய்கிறது. இந்த நரம்புதான் நம் கால்களை பயன்படுத்தி செய்யக்கூடிய அணைத்து வேலைகளுக்கும் காரணமாக அமைகிறது.      இத்தகைய முக்கிய நரம்பில் பிரச்சனை ஏற்படும் போதோ அல்லது இந்த நரம்பு பலவீனம் அடையும் போதோ தான் இந்த சியாட்டிக்கா பிரச்சனை ஏற்படுகிறது.


தீர்வு


இத்தகைய  பிரச்சனையை நம் வீட்டில் இருக்கக்கூடிய பொருட்களை கொண்டு எப்படி சரி செய்வது என்பதை பார்ப்போம். 


இஞ்சி எண்ணெய்


இது ஒரு Anti-inflammatory Oil. கடுமையான வலியை கூட விரைவில் சரி செய்யக் கூடியது இந்த இஞ்சி எண்ணெய். இந்த எண்ணெய்யை 4-5 சொட்டுக்கள் வலி ஏற்படும் இடத்தில் விட்டு மசாஜ் செய்தால் போதும், வலியில் இருந்து விடுபடுவதை நாம் உணரலாம். கால் நரம்புகளில் ஏற்படும் Inflammation குறைத்து வலிகளில் இருந்து நிவாரணம் தரும். இந்த எண்ணெய் நாட்டு மருந்து கடைகளில் கிடைக்கும்.


ஒத்தடம் கொடுப்பது



சூடு நீர் அல்லது ஐஸ் கட்டிகளை கொண்டு கால்கள் முழுவதும் ஒத்தடம் கொடுக்கலாம். இப்படி செய்வதன்  மூலம் கால் நரம்புகளில் உள்ள இரத்த ஓட்டம் அதிகரிக்கும். நரம்புகளில் ஏற்படும் Inflammation விரைவில் சரி ஆகும். இப்படி தினமும் 1-2 முறை ஒத்தடம் கொடுத்து வர, சியாட்டிக்கா பிரச்னையால் ஏற்படும் வலியில் இருந்து விரைவில் நிவாரணம் பெறலாம்.


Magnesium Sulphate - Epsom Salt



இது நாட்டு மருந்து கடை மற்றும் பொது மருந்து கடைகளில் கிடைக்கும். இதில் அதிகப்படியான Magnesium இருப்பதால், இயற்கையாகவே இது ஒரு வலி நிவாரணி. இந்த Epsum சால்ட்டை 2 ஸ்பூன் எடுத்து கொதிக்கும் தண்ணீரில் போட்டு, அந்நீரை சூடு தாங்கும் அளவிற்கு காலின் தொடையில் இருந்து ஊற்ற வேண்டும். இவ்வாறு தினமும் செய்து வந்தால் சியாட்டிக்கா பிரச்னையால் ஏற்படும் வலியில் இருந்து விரைவில் நிவாரணம் பெறலாம்.


இதுவரை உடம்புக்கு வெளியே செய்யக்கூடிய மருத்துவ குறிப்புகளை பார்த்தோம். இப்பொது உடம்புக்குள் உட்கொள்ளும் மருத்துவ முறைகளை பற்றி பார்ப்போம்.


பூண்டு பால்



பூண்டு இயற்கையாகவே ஒரு Anti-Inflammatory Product. பூண்டு நரம்புகளுக்கு தேவையான சத்தை கொடுக்கக்கூடியது. மேலும் நரம்புகளின் இரத்த ஓட்டத்தை சீர்படுத்தக்கூடியது.


செய்முறை


8-10 பூண்டு பற்களை எடுத்து நசுக்கி கொள்ளுங்கள் ஒரு கிளாஸ் பாலை ஊற்றி நசுக்கிய பூண்டு, சிறிது மஞ்சள் தூள் சேர்த்து நல்ல கொதிக்க விடுங்கள். இவ்வாறு செய்து ஒரு வாரத்திற்கு தினமும் பருகி வந்தால் சியாட்டிக்கா பிரச்னையால் ஏற்படும் வலியில் இருந்து நிவாரணம் பெறலாம்.


இந்த சியாட்டிக்கா நரம்பை வலுப்பெற செய்ய வைட்டமின் டி மற்றும் வைட்டமின் பி12 சத்துக்கள் நிறைந்த உணவுகளை அதிகம் உட்கொள்ளுங்கள்.


வைட்டமின் பி12 அதிகம் உள்ள உணவு வகைகள்


அனைத்து வகையான இறைச்சி பொருட்கள், பால், தயிர், முட்டை, சீஸ், சோயா பால்.


வைட்டமின் டி:


இது நமக்கு இயற்கையாகவே சூரிய ஒளியில் இருந்து கிடைக்கக்கூடிய சத்து. தினமும் 1/2 மணி நேரமாவது சூரிய ஒளி உடம்பில் படும் படி பார்த்துக் கொள்ளுங்கள். அல்லது வைட்டமின் டி3 மாத்திரைகளை உட்கொள்ளலாம்


மேற்சொன்ன முறைகளை பயன்படுத்தி சியாட்டிக்கா பிரச்னையால் ஏற்படும் வலியில் இருந்து நிவாரணம் பெறுங்கள்.


Popular posts from this blog

  இப்ப  தேனும் கசக்கிறது  முன்னணி  இந்திய நிறுவனங்களின் தேனில் சர்க்கரை பாகு கலப்படம், சோதனையில் அம்பலம்... சமீபத்தில் சில பிரபலமான நிறுவனங்களால் தயாரிக்கப்பட்டு விற்பனை செய்யப்பட்டுவரும் தேன், தூய்மைக்கான பரிசோதனைக்கு உட்படுத்தப்பட்டது. அறிவியல் மற்றும் சுற்றுச்சூழல் மையம் நடத்திய இந்த சோதனையில், பல நிறுவனங்களின் தேனில் செயற்கை சர்க்கரை பாகை கலப்படம் செய்திருப்பது தெரியவந்தது.* மருத்துவத்தில் தேன் முக்கிய பங்கு வகிக்கிறது. தேன் பொதுவாக உடலுக்கு நோய் எதிர்ப்பு சக்தியை வழங்கக்கூடிய ஒரு உணவுப்பொருள். தற்போது தொற்றுநோய் பரவி வரும் நிலையில் தொற்றுநோயை எதிர்த்து போராடும் குணம் தேனுக்கு இருப்பதாக நம்பப்படுகிறது.  ஆனால், அதனுடன் சர்க்கரை சேர்ந்தால் உடலுக்கு ஆரோக்கியம் இல்லை என்கின்றனர் மருத்துவர்கள். இந்நிலையில், மூலக்கூறு மட்டத்தில் ஒரு பொருளின் கலவையை அறிவதற்கான இந்த சோதனை (என்.எம்.ஆர் சோதனை) ஜெர்மனியில் உள்ள ஒரு ஆய்வகத்தில் செய்யப்பட்டுள்ளது.  தேனை ஏற்றுமதி செய்ய விரும்பும் இந்திய நிறுவனங்களுக்கு இந்த சோதனை தேவைப்படுகிறது. அந்த வகையில் டாபர், பதஞ்சலி, பைத்யநாத்...
Read more

கொட்டிக்கிடக்கிறது வெட்டிவேரில் மகிமை

Image
வெட்டிவேரினை எலுமிச்சை வேர் எனவும் கூறுவார்கள். நீர்கடுப்பு, தேக எரிச்சல், வயிற்றுக் கடுப்பு போன்றவற்றால் அவதிப்படுபவர்கள் வெட்டி வேரை சுத்தம் செய்து, உலர்த்தி, பொடி செய்து கொண்டு அதனுடன் பெருஞ்சீரகத்தைப் பொடிசெய்து சம அளவு எடுத்து வெந்நீரில் 200 மி.கி. குடித்து வந்தால் தீர்வு கிடைக்கும். கோடையில் உஷ்ணத்தின் தாக்கத்தை குறைக்கும் வெட்டிவேரை நீரில் ஊறவைத்து அந்த தண்ணீரை தினமும் குடித்து வந்தால் உடல் சூடு, நாவறட்சி, தாகம், காய்ச்சல் மற்றும் வயிற்றில் ஏற்படும் நோய்களைக் கட்டுப்படுத்தும். வாந்தி பேதிக்கும் இது நல்ல மருந்தாகும். மேலும் சளி தொந்தரவு ஏற்படாமல் இந்த வேர் பாதுகாக்கும். வெட்டிவேர் எண்ணையை கொண்டு நீண்ட நாட்களாக ஆறாமல் இருக்கும் வடுக்கள் மீது தடவி வந்தால் அவை மறைந்துவிடும். இந்த எண்ணையை தேய்த்துக் குளிக்கலாம் சீயக்காய்க்கு பதில் வெட்டிவேரின் பவுடரை பயன்படுத்துங்கள். இதை தொடர்ந்து செய்தால் முகத்தில் எண்ணெய் வழியாது, முகம் கூடுதல் அழகுடன் காணப்படும். வெயில் காலத்தில் உண்டாகும் அதிக வியர்வை மற்றும் அரிப்பிற்கு வெட்டி வேரை நீரில் ஊறவைத்து, அரைத்து குளிக்கும் தண்ணீரில் கலந்து குளிக்கலாம...
Read more

உமிழ் நீர் உயிர் நீர்

Image
சர்க்கரை நோய்க்கும் வாயில் ஊறக்கூடிய உமிழ்நீருக்கும் என்ன சம்மந்தம்? உணவுடன் கலந்து செல்லும் உமிழ்நீர்தான், கணையத்திலிருந்து இன்சுலினைச் சுரக்கத் தூண்டும் இயற்கை மருந்து! உமிழ்நீர் எனும் இயற்கை மருந்தை நம் முன்னோர்கள், தாங்கள் உண்ணும் உணவுடன், அதிக அளவு எடுத்துக் கொண்டனர். வாழ்வதற்காக உண்டனர். உண்பதற்காக வாழ்ந்தனர். அதனால் தான் பொறுமையுடனும், அமைதியுடனும், பொறுப்புடனும் உணவை பற்களால் நன்றாக மென்று சாப்பிட்டனர். குழந்தைகளுக்கும் பழக்கப் படுத்தினார்கள். அதனால் அவர்கள் சாப்பிடும் உணவுடன் உமிழ்நீர் அதிக அளவு கலந்திருந்தது.  வயிற்றுக்குள்  உமிழ்நீரை சுரக்கச் செய்வதற்காக ஊறுகாயைச் சிறிதளவு எடுத்துக் கொண்டனர். நம் முன்னோர்களுக்கு உமிழ்நீரின் அருமை தெரிந்திருந்ததால் ஊறுகாய் என்ற உணவுப் பொருளை கண்டுபிடித்துப் பயன்படுத்தினர். உமிழ்நீரை அதிக அளவு எடுத்துக் கொண்டதால், கணையத்திலிருந்து இன்சுலின் சுரப்பதற்கு எந்தத் தடையும் ஏற்படவில்லை. தூண்டல், துலங்கல்" என்ற விதியின் படி உமிழ்நீர் என்ற தூண்டுதலால் இன்சுலின் என்ற துலங்கல் சுரக்கப்படுகிறது. நம் முன்னோர்கள் நாட்களைக் கணக்கிட்டு, மாதங்களைக் கண...
Read more